Estoy aquí y percibo
la grandeza del día

Día de les Lletres Asturianes, desde casa



AMOR PUEDE SER TOO

Nun fai falta ser naide

pal amor. Amor puede ser too.

Ella quería les coses a corazón

abiertu:

la figar aparrada cola solombra

enorme,

la pitina esplumada, el canariu, la gata,

la flor de los sabugos que colgaba nes vigues,

la dalia que-y ponía tolos díes a un retratu,

les sábanes de llinu cola inicial bordada.

Queríanos a nós más qu'a naide nel mundu,

y dába-y amor a lo que la rodiaba:

aquel vaso fendíu que fora de la güela,

aquel perrín rizosu cola mirada humana,

aquel porrón de barro pol que bebía'l so pá,

aquella siempreviva que taba na ventana,

aquel paxín de blimes que-y fixeron de neña,

aquel cofre que-y dieron pa cuando se casara.

Nun fai falta ser naide

pal amor y la vida.

Nun precisamos nada.

​(Poemes n'asturiano)

23 vistas0 comentarios

Entradas Recientes

Ver todo

JUSTA PETICIÓN

La reclamación que nos hará la Naturaleza Algún día tendrán que reclamar lo suyo. Así como nosotros queremos más y más. Y ambicionamos más. Y no nos conformamos ni con más ni con nada. Ellos algún día